Í veðurlagspolitikkinum er soljóðandi mál sett fyri skip og flogfør:
|
Reiðarar seta sær sum mál at fremja orkuoptimering og brúka orkusparandi loysnir fyri at tryggja kappingarføri í fiskivinnuni. Framtíðar fiskivinnupolitikkur skal stuðla undir slíka menning |
Fyri at fylgja gongdini hjá fiskivinnuni og flogferðsluni at fremja orkuoptimering og at brúka orkusparandi loysnir, verður útlátið av vakstrarhúsgassi frá fiskiskipum og flogførum víst á myndini niðanfyri. Ein minni oljunýtsla vil vísa seg aftur sum minking í útlátinum av vakstrarhúsgassi.
Mynd Gongdin í útláti av vakstrarhúsgassi frá skipum og flogførum árini 2005 og fram til seinastu uppgerði, roknað sum munur í prosentum í mun til útlátið í 2005.
Í 2020 var útlátið av vakstrarhúsgassi frá føroyskum fiskiskipum, sum bunkrað í Føroyum, 8 % undir støðisárinum 2005.
Les meira um útlát av vakstrarhúsgassi her.
Ynskir tú fleiri upplýsingar, so ring 342400, ella send okkum ein teldupost us@us.fo.